**إعادة للتدوينة
هااااي ي جميلات ✋ 💓
من فترة اشتهر المايونيز الجاهز للشعر خصوصا الأمريكي ..
يحتوي على زيوت صناعية +مشتقات سيلكون
تؤذي الشعر اذا ترسبت في الفروة >> اذا استخدمتيه لشهور
** اقرأي عنه بجوجل ..
لذلك حبيت اسوي مايونيز منزلي طبيعي 100% و
زيوت باختيارك 👌
تحتاجين إلى :
بيضتين ..
ملعقتين عصير ليمون. .
1 و 3/1 زيوت
أضفت نص كوب زيت سمسم +نص كوب زيت جوزهند + ثلث كوب زيت ثوم ..
ممكن تختارين الزيوت اللي جابتها و تناسبك
خروع >> يساعد ع سرعة طول الشعر و انباته
اكليل جبل نفس الشيء
لكن تكون الكمية ثابتة 350 مل >>عشان نوصل للقوام اللي نبيه ...
**ممكن إضافة فصين ثوم مفروم. . >> لكن اكتفيت بالزيت. .
يخلط البيض بالخلاط الشفرة نفس الصورة أو بلندر العصير العادي لمدة دقيقتين و ضيفي عصير الليمون ..
و ضيفي الزيوت بالتدريج و انت شغالة خلط شوي شوي لين يثقل الخليط و يضبط قوامه. .
الشكل النهائي بحسابي
و صار عندنا مايونيز للشعر طبيعي ومعالج للجفاف و التقصف
يحفظ بعلبة نظيفة و معقمة و تحطينه بالثلاجة ..
صلاحيته أسبوعين تقريبا ..
🌸🌸🌸🌸🌸🌸🌸🌸🌸🌸🌸🌸
الجزء الثاني 😍 ماسكات الشعر ..
ماسك الموز 🍌🍌🍌🍌
الموز كيراتين طبيعي مركز ..
فل معادن و فيتامينات مفيدة للبشرة و الشعر ..
مررة ممتاز لتغذية الشعر و تخفيف الجفاف. .
نبدأ ✌😍
نحتاج إلى :
موز >>يفضل يكون مستوي زيادة عشان يسهل هرسه
ملعقتين زبادي.
ملعقتين زيت افوكادو ..
ملعقة عسل ..
كل المكونات مغذية للشعر 👌👌
يخلط الموز بالخلاط لحد مايصير ناعم و كريمي عشان ما يتكتل في الشعر و يتعب غسله ..
و تضيفين بقية المكونات ..
زي أي ماسك على شعر نظيف من الجذور للأطراف ..
لمدة ساعة إلى ساعتين وتغسلين شعرك كالمعتاد. ..
عادة اذا نضج الموز ماحد ب يتقبل يأكله 😑 اللهم لك الحمد ..
أقشره و أقطعه حلقات و افرزنه. .
و اذا باسوي ماسك اطلعه قبل بوقت ...
هنا سويت بطريقة مختلفة
حبتين موز مهروسة ناعم ..
4 ملاعق مايونيز ..
ملعقة عسل ..
ملعقة ماسك الزبدة >>ممكن تستبدلينه بملعقة زبدة شيا ..
#ملاحظة زبدة الشيا جدا ممتازة للشعر الجاف و التالف ترمم الشعرة وتعطيها ثقل خصوصا اللي ساحبة لون ضروري تجريها جداا ممتازة ...
يخلط تمام و يستخدم زي آي ماسك ..
للشعر الجاف اذا فروتك عادية أو دهنية أبعد 2 سم ..
ينعم بشكل فوري 😍👌 ..
ماسك ثالث 💓💓💓
4 ملاعق مايونيز ..
بيضتين ..
ملعقة عسل ..
ملعقة زبدة شيا مذوبة ب 3 ملاعق زيت جوزهند ..
وووبس 😍 ..
ماسك البروتين 😍😍
يناسب اللي شعرها جاف و هايش و المصبوغ خصوصا ..
بيضتين >>أحبه بأي ماسك ما استغني عنه 😍
ملعقة عسل
3 ملاعق زيت جوزهند أو أي زيت يناسبك ..
و بس 😎 ...
الماسكات اللي ذكرتها مجربتها بوقت ماصبغت و صار شعري جاف و متقصف 😑 و مناسبة اللي تعاني من هيشان الشعر ..
وخصوصا اللي ساحبة لون >>الشعر يصير ميت و تالف وخفيف مررة 😣
تجرب أحد هالماسكات و بتعجبها أن شاء الله ..
انتظر آرائكم و تعليقاتكم 💓💓
ليست هناك تعليقات:
إرسال تعليق